ARESTADO sa police operation sa Malabon ang lalaki at babaeng magkasabuwat umano sa carnapping sa Paranaque City.

Nilusob ng mga tauhan ni Northern Police District (NPD) Director P/BGen. Josefino Ligan ang bahay nina alyas Conrad, 34; at Shamile, 23, sa Brgy. Longos dakong alas-6:45 ng gabi at doon naaresto ang dalawa.

Hawak ng mga tauhan ng District Special Operations Unit (DSOU) ang warrant of arrest na inilabas ni Paranaque Regional Trial Court (RTC) Presiding Judge Harold Cesar Huliganga ng Branch 196 laban sa mga akusado ng arestuhin.

Pansamantalang nakapiit sa Custodial Facility Unit ng NPD sa Langaray St. Kaunlaran Village, Brgy. 14 ang mga dinakip.