CABANATUAN CITY--Nasakote ang dalawang lalaki na suspek sa magkaibang kaso noong Biyernes, ayon sa mga pulis.

Nakilala ang unang naaresto na 48-anyos na suspek na mayroong arrest warrant para sa kasong lascivious conduct, ayon kay Nueva Ecija police chief Col. Heryl Bruno.

Ang isa pang naaresto, isang 61-anyos na suspek, dahil sa multiple arrest warrant para sa paglabag ng anim na beses sa RA 7610.

“Ang mahabang braso ng batas ay tiyak na aabot sa lahat ng kriminal. Sa mga nag-iisip na kaya nilang magtago dito sa Nueva Ecija, susukulin namin kayo,” sabi ni Bruno.