KASADO na ang lahat para sa gaganaping 2025 Invitational Swim Meet ng De La Salle Zobel ngayong September 6-7 sa Muntinlupa Aquatic Center, Muntinlupa City

Ito ang ikalawang edisyon ng nasabing swim meet na unang isinagawa nung October 5-6, 2024 sa ka-parehong venue.

Layunin ng nasabing swim meet na magkaroon ng higher-level competition at makatuklas ng mga batang swimmers na pwedeng irepresenta ang Pilipinas sa mga top-tier international meets pati na ang makapag-fund-raise para sa mga upcoming competitions ng DLSZ junior tankers sa mga kampanya nito sa UAAP Season 88 at WNCAA Season 56.

“Before the UAAP, there would be an invitational swim meet. There would be different teams and we will have guest foreign swimmers. And this is the first time to face international competitors,” pahayag ni two-time Batang Pinoy medalist at Palarong Pambansa qualifier Anika Eugenio sa panayam sa DWIZ.

Inaasahang lalangoy para sa medalya ang 350-400 na mga kilalang prized swimmers ng bansa pati na ang South Korea-based Chungbuk Athletics sa bawat age groups mula 6 & under hanggang 19 & over para sa backstroke, breaststroke, butterfly, freestyle at individual medley.

Bukod pa rito sasabak rin ang mga swimmers mula sa DLSZ para makapag-improve ng strokes at makapagprepare para sa mga collegiate sports meets.

Bukas pa rin ang registration para sa nasabing swim meet hanggang September 4.

Maaring bisitahin ang De La Salle Junior Tankers facebook page para sa detalye tungkol sa registration at iba pang updates.

“To all our sponsors, thank you for supporting our young athletes’ dreams and were inviting everybody to come and join the 2nd DLSZ Invitational Meet on September 6-7 at Muntinlupa Aquatic Center, you have remaining days to register,” sinabi ni Kaye Magno-Eugenio, swim parent at organizer. By Gab Ferreras