TATLONG tao ang inaresto ng mga ahente ng National Bureau of Investigation (NBI) dahil sa kasong qualified human trafficking at nailigtas din ang 27 biktima sa Tawi-Tawi.

Alinsunod sa direktiba ni (NBI) Director Jaime Santiago, inaresto ng NBI-Human Trafficking Division (NBI-HTRAD) sina alyas Hashim, Ladja at Halin dahil sa paglabag sa RA 9208.

Lumabas sa imbestigasyon ng NBI-HTRAD na ang recruitment ginagawa sa pamamagitan ng mga online na platform at napilitan ang mga biktima na tumawid sa mga back channel para ma-recruit.

Inihayag ng nagrereklamo na na-recruit siya sa pamamagitan ng Telegram ng grupo upang magtrabaho sa isang POGO hub sa Cambodia.

Sa halip na direktang dumaan sa Cambodia, inutusan ang mga na-recruit na maglakbay nang hindi regular sa Maynila, Zamboanga, Tawi-Tawi, Malaysia at panghuli sa Cambodia.

Pinuri ni Santiago ang mga ahente ng NBI-HTRAD sa pag-aresto sa mga suspek.

Binigyang-diin niya ang kanilang pangako na itaguyod ang batas at nagpahayag ng kanyang pasasalamat sa iba pang tagapagpatupad ng batas.