ARESTADO sa entrapment ng mga pulis ang 18-anyos na binata nang pagbentahan ng hindi lisensyadong baril ang pulis na nagkunwaring buyer noong Miyerkules sa Taguig City.

Dinakma ng mga tauhan ni Southern Police District (SPD) District Director P/BGen. Randy Arceo si alyas Renzo ng ibenta sa miyembro ng District Special Operations Unit (DSOU) ang cal .45 pistol na walang serial number dakong alas-9:45 ng gabi sa JP Rizal Ext. Bliss Area, Brgy. Cembo, Taguig.

Nakumpiska din sa suspek ang magazine ng cal .45 na may tatlong bala at ang P500 markadong salapi na nakapaibabaw sa boodle money na pinambayad ng poseur-buyer.