Calendar
PNP spokesperson Brig. Gen. Randulf Tuaño
Source: PNP, PNA
DILG, PNP tiniyak na PH di matutulad sa Nepal, Indonesia
KUMBINSIDO si Philippine National Police (PNP) spokesperson Brigadier Gen. Randulf Tuaño na hindi kagaya ng sinapit ng Nepal at Indonesia ang malawakang rally sa bansa sa September 21.
“Nabanggit na ng secretary of the Interior and Local Government, Secretary Juanito Victor C. Remulla and PNP Acting Chief, Lieutenant General Jose Melencio C. Nartatez Jr. na kakaiba ang situation dito sa Pilipinas kaysa sa Nepal dahil dito sa atin mismong si Presidente Marcos Jr. ang nag-initiate ng malawakang investigation para sa mga maanomalyang flood control projects,” sabi ng PNP spokesperson.
Matatandaan na mahigit 12 katao ang namatay sa Nepal dahil sa marahas na rallies noong nakaraang linggo. Sinunog ng mga raliyista ang mga government building kaya lumala ang rally laban sa corruption.
“Ang mga Pilipino naman, hindi ganyan. Even at our worst, hindi tayo nanununog ng lugar. Pero, syempre, all things considered, we will be prepared naman. Pero, sa tingin ko, hindi aabot,” sabi ni Remulla.
“Our directive to the police is to be present, patient, and to practice maximum tolerance while respecting the sentiments of the people,” dagdag ni Remulla.
Mino-monitor na ng PNP ang mga kaganapan sa bansa ilang araw bago ang rally.
“We already have our security plan for dispersal or crowd management and for security. Meron na tayong mga security plan that had been set. And then we have also our information, so this is the basis for any operation. And continuously we are monitoring the peace and order and safety in Metro Manila, not only Metro Manila but nationwide,” ayon kay Nartatez.
Ayon kay Tuaño, 50,335 pulis ang ide-deploy sa iba’t ibang lugar sa bansa sa Setyembre 21.
Tinatayang hindi bababa sa 10,000 katao ang sasama sa rally.
“We are fully prepared for the September 21 rally. Although we have yet to receive the actual number of groups that have applied for rally permits, we are ready and are checking all reports we are getting from open sources, the social media and our men on the ground. What is clear here is that hindi papayagan ng PNP na magkaroon ng violation of the law. Our main purpose is the maintenance of peace and order and keep all Filipinos safe,” sabi ni Tuaño.
