SINUSPINDE ng Land Transportation Office ng 90 araw ang lisensya ng driver na nasa viral post na nakunang nakasisilaw ang ilaw sa likod ng sasakyan o rear lights, at nakitang nakakasagabal sa paningin ng ilang mga motorista.

Sa inilabas na Show Cause Order ng LTO, pinatatawag ang registered owner ng sasakyan pati na ang driver nito at posibleng kasuhan ng reckless driving, unauthorized accessories at improper person to operate a motor vehicle.

Sinabi ni Acting Transportation Secretary Giovanni Lopez na hindi titigil ang DOTr at LTO na hulihin ang mga pasaway na driver na paulit-ulit ang ginagawang kalokohan sa kalsada.