Calendar
TAPAT SA REPUBLIKA – Ang hanay ng Philippine Army 4th Infantry Division troops dito sa undated photo. Muling iginiit ng Armed Forces of the Philippines nitong Huwebes ang kanilang katapatan sa Konstitusyon, sa Republika at sa sambayanang Pilipino, kasabay ng pagtanggi sa mga kumakalat na balita ukol sa umano’y destabilization plot laban sa administrasyong Marcos.
Source: PNA/4ID file photo
AFP pinabulaanan na may ‘oust PBBM’ plot
MARIING itinanggi ng Armed Forces of the Philippines (AFP) nitong Huwebes ang umano’y destabilization plot upang patalsikin si Pangulong Ferdinand “Bongbong” Marcos Jr., at tinawag ang naturang impormasyon na “baseless” at “unfounded.”
“The AFP rejects malicious narratives about supposed plans to unseat the President or launch destabilization efforts,” pahayag ni AFP Public Affairs Office chief Col. Xerxes Trinidad.
“These claims are baseless, unfounded, and far removed from reality,” dagdag niya.
Ayon sa mga ulat, ang sinasabing plano ay dapat naganap bago ang mga rally kontra korapsyon noong Setyembre 21, na bunsod ng mga bagong natuklasang anomalya sa mga proyekto ng flood control ng pamahalaan na kinasasangkutan ng mga inhinyero at politiko.
“Our loyalty does not rest on politics or personalities, but firmly on the Constitution, the Republic, and the Filipino people,” ani Trinidad. “The AFP’s role is clear: to defend our democratic institutions, not to arbitrate political disputes.”
Binigyang-diin din ni Trinidad na nananatiling propesyonal at disiplinado ang hanay ng militar, at buo ang chain of command.
“Efforts to link the AFP to intrigue are nothing more than attempts to sow division, cast doubt on our leadership, and derail the President’s fight against corruption,” sinabi niya.
Sa pamamagitan ng Executive Order No. 94, lumikha si Pangulong Marcos ng isang independent fact-finding body upang imbestigahan ang mga umano’y iregularidad sa mga proyekto ng flood control at iba pang imprastruktura ng pamahalaan. Philippine News Agency
