NADAGDAGAN ng 14,640 ang kaso ng COVID-19 sa bansa mula Hulyo 11 hanggang 17, ayon sa Department of Health (DOH).

Ayon sa DOH ito ay 44 porsyentong mas mataas kumpara sa linggo bago ito.

Mula umano sa 1,467 bagong kaso na naitatala kada araw mula Hulyo 4 hanggang 10, ay umakyat sa 2,091 ang daily average rate sa nakalipas na linggo.

Mayroon umanong 589 severe at critical cases na naka-confine sa ospital hanggang noong Hulyo 17.

Sa 2,630 intensive care unit (ICU) beds, 481 o 18.3% ang ginagamit. Sa 21,809 non-ICU beds ang ginagamit naman ay 5,189 o 23.8 porsyento.

Mayroon namang nadagdag na isang nasawi sanhi ng COVID-19 subalit ito ay nangyari noong Oktobre 2021.