TAWANG-TAWA ang netizens sa pangbabara ni Dennis Trillo sa isang basher na tumawag sa kanya ng “baduy” matapos niyang subukan ang “Wowee Maui” trend.

Sa pang-aasar na tono, sagot ni Dennis, “Baduy talaga ’ko haha.” Sinundan pa niya ng, “Nakakatawan man yung aso mo, pinag-yellow na t-shirt mo pa,” na tumutukoy sa profile picture ng basher.

Mas lalo pang natawa ang netizens sa clapback ng actor. Komento nila, okay lang na “baduy” basta may international acting award naman.

Matatandaan na si Dennis ay kinilala bilang Asia’s Best Actor in a Leading Role sa Asian Academy Creative Awards para sa pelikulang ‘Green Bones.’