ARESTADO ang dalawang lalaki sa isinagawang buy-bust operation ng pulisya sa Quezon City.

Kinilala ang mga suspek na sina Almer Basa, 29-anyos, at residente ng Brgy. Bagbag, Quezon City, at Mama Nanding, 49-taong gulang at taga- Brgy. 17, Caloocan City.

Isang buybust operation ang inilungsad ng otoridad laban sa mga suspek sa tapat ng 7-Eleven Convenience Store sa kahabaan ng Quirino Hi-way, Brgy. Bagbag, Novaliches, Quezon City, alas-9 ng gabi noong Setyembre 2.

Nasamsam umano sa pulisya ang 25 gramo ng shabu na nagkakahalaga ng P170,000.

Nahaharap ang mga suspek sa kasong paglabag sa Comprehensive Dangerous Drugs Act of 2002 (RA 9165).