IBAAN, BATANGAS–Patay na ang isang lalaking obrero ng matagpuan sa damuhan na may tama ng bala sa ulo sa Brgy. Sto. Niño sa bayang ito noong Huwebes.

Kinumpirma ni Police Major John Leo Cuasay, hepe ng Ibaan police, ang nangyari sa biktimang si alyas Allan, 48.

Nalaman ang krimen mula sa tawag kay Brgy. Chairman Henry Patulot na nagpaalam na may natagpuang lalaking nakahandusay sa lugar bandang alas-10:30 ng umaga.

Narekober ng mga imbestigador ang limang basyo ng bala ng 12-gauge shotgun sa paligid ng pinangyarihan.