IPINAGDIWANG noong Sabado sa Bauan, Batangas ang 25th Sublian Festival sa selebrasyon ng pananampalataya at pagpupugay sa mahal na Poong Sta. Cruz.

Sa bawat indak ng Subli, hindi lamang talento ang ipinamalas kundi ang pananampalataya na nagkakaisa sa paggalang sa kanilang pinagmulan.

Makukulay na kasuotan, masiglang tugtugan at sigla ang bumalot sa Bauan na isang paalala na ang kultura ay buhay na matatag at patuloy na ipinapasa sa susunod na henerasyon.

Sa ika-25 taon ng pagdiriwang, mas pinagtibay pa ang diwa ng pagkakaisa, tradisyon at pagmamahal.