INAARESTO ng mga operatiba ng Criminal Investigation and Detection Group (CIDG) ang dalawang suspek sa kasong panghahalay at pagpatay sa Bulacan at Zambales noong Mayo 4.

Kinilala ang unang suspek na si alyas Cruz, 47, na nahuli sa kasong pagpatay sa Brgy. Catacte, Bustos, Bulacan.

Ipinatupad ng mga awtoridad ang warrant of arrest laban sa kanya para sa kasong homicide na inilabas ng Regional Trial Court Branch 77 sa Malolos City, Bulacan.

Inaresto naman ng mga ahente ng CIDG si alyas Nacho, 37, dahil sa kasong panghahalay sa 3rd St., West Bajac-Bajac.

Nasa kustodiya ng mga pulis ang dalawang suspek.

Ayon kay Col. Grant Gollod, ipinapakita ng mga pag-aresto ang patuloy na pagsisikap ng CIDG na matunton ang mga nagtatagong pugante.