KAMPO HENERAL MALVAR, Batangas City–Nahuli noong Huwebes ang suspek sa mga kaso ng panggagahasa sa Brgy. Loma, Calaca, Batangas.

Ang akusado, si alyas AJ, 56, dinakip ng mga tauhan ng Calaca City police, ayon kay Police Colonel Meliton Salvadora Jr., hepe ng pulisya sa Batangas.

Ang pag-aresto ay isinagawa batay sa warrant of arrest na inilabas ng Presiding Judge ng Regional Trial Court, Fourth Judicial Region, Branch 9 sa Balayan, Batangas.

Walang inirekomendang piyansa para sa pansamantalang paglaya ng suspek na nahaharap sa dalawang bilang ng kasong panggagahasa.

Nakakulong sa himpilan ng pulisya sa Calaca ang suspek.