BINUKSAN na ng Caloocan ang “calm space” sa ika-limang palapag ng Caloocan City Hall-South na libreng magagamit ng mga residente para makapagpahinga at mag-relax.

Nag-aalok ng libreng yoga classes at sound healing therapy at susunod na ring itampok ang pagtuturo ng pangangalaga sa kalusugang pangkaisipan.

Kinikilala ni Mayor Dale Gonzalo “Along” Malapitan ang kalusugang pangkaisipan ng kanyang mga kababayan, lalu na sa mga kabataan.

“Sa pagbisita natin sa mga komunidad at sa mga eskwelahan, nakita po natin na malaking issue pa rin sa mga kabataan ang pagkakaroon ng mental health concerns kaya naman po naging bahagi ng mga programang pangkalusugan natin ang pagtitiyak na maayos ang kalagayang pangkaisipan ng lahat,” pahayag ni Mayor Along.