Nakibahagi ang ilang miyembro ng House of Representatives kasama ang iba pang mga debotong Katoliko sa Misa para sa Kapayapaan at Pananagutan na ginanap sa EDSA Shrine nitong Linggo ng umaga, kung saan si Rev. Teodoro Bacani Jr. ang pangunahing tagapanguna ng misa. Kabilang sa mga mambabatas na dumalo sina Reps. Percival Cendana (Party-list, Akbayan), Leila De Lima (Party-list–Mamamayang Liberal), Joel Chua (Maynila, 3rd District), Lorenz Defensor (Iloilo, 3rd District), Jude Acidre (Party-list, Tingog), at Terry Ridon (Party-list–Bicol Saro). Sina De Lima, Chua, Defensor, at Ridon ay kabilang sa mga mambabatas na naunang pinili ng Kamara upang bumuo sa 11-miyembrong prosecution team na kakatawan sa kapulungan sa impeachment trial ni Bise Presidente Sara Duterte sa Senado. House of Representatives