ARESTADO sa loob ng custodial facility ng Caloocan police station noong Lunes ng mga tauhan ni Northern Police District (NPD) director PBGen. Benliner Capili ang isang electrician dahil sa kasong panghahalay.

Batay sa ulat, apat ang nadakip ng pulisya noong Sabado sa lungsod kabilang ang akusado.

Nang magkaroon ng background investigation sa apat, natuklasan na may nakabimbing warrant of arrest ang electrician galing kay Caloocan City Regional Trial Court Presiding Judge Ma. Teresa E. De Guzman-Alvarez ng Branch 131 para sa kasong statutory rape.

Ayon kay Caloocan police chief PCol. Joey Goforth, walang piyansang inirekomenda ang hukuman para sa pansamantalang paglaya ng electrician.