SCIENCE CITY OF MUÑOZ–Tinatayang milyong pisong halaga ang naabo sa sunog na sumiklab sa lumang palengke ng siyudad na ito noong Linggo.

Ayon sa mga ulat, sumiklab ang sunog dakong alas-2:00 ng madaling araw at kumalat agad ang apoy sa mga puwesto sa loob na pamilihan.

Tinatayang aabot sa milyong pisong halaga ng paninda at ari-arian ang naabo sa sunog na umabot sa ikatlong alarma.

Alas-6:00 ng umaga ay pilit pa ding inaapula ang apoy ng mga bumbero.

Kasalukuyang inaalam pa ng awtoridad ang sanhi ng sunog.