Natuklasan ng mga tauhan ni Southern Police District (SPD) Director P/BGen. Glenn Oliver Cinco na namamalagi si alyas Duque sa NAIA Road, Brgy. 192, Pasay City kaya’t palihim nila itong tiniktikan.

Dakong ala-1:50 ng madaling araw ng Sabado natiyempuhan ng mga operatiba ng Pasay Police Sub-Station 8, sa ilalim ng pamumuno ni Pasay police chief P/Col. Joselito De Sesto, ang akusado sa NAIA Service Road na nagresulta sa kanyang pagkakadakip.

Dalawang magkahiwalay na warrant of arrest na inilabas ng hukuman sa lalawigan ng Isabela noon pang 2019 ang isinilbi ng pulisya sa akusado para sa mga kasong rape at child abuse.

“The arrest of this long-wanted fugitive proves that time and distance offer no permanent refuge for individuals fleeing serious criminal accusations,” pahayag ni BGen. Cinco.