KAMPO HENERAL MALVAR, lungsod ng Batangas–Nag-courtesy visit ang Philippine Drug Enforcement Agency (PDEA)-Batangas, sa pamumuno ni Provincial Officer IA III Juancho Esteban, kay provincial director P/Col. Oliver Ebora noong Hulyo 7 upang patatagin ang ugnayan ng dalawang puwersa sa pagpapatupad ng batas.

Binigyang-diin sa talakayan ang paggabay ng mga estratehiyang nakabatay sa intelligence, mas pinag-isang operasyon, at mabilisang pagbabahagi ng impormasyon upang masupil ang sindikato ng droga.

“Ang aktibidad na ito ay sumasalamin sa patuloy na dedikasyon ng BPPO at PDEA Batangas sa pagtataguyod ng isang lalawigang ligtas sa droga, mapayapa at matiwasay,” ayon sa pahayag na inilabas ng pamunuan.