ISINARA ng Department of Migrant Workers (DMW) ang isang immigration consultancy company sa Makati City na iligal umanong nagpapadala ng mga manggagawa sa South Korea at Canada.

Personal na pinuntahan ni DMW Secretary Susan Ople at ng mga tauhan ng Makati City police ang consultancy firm sa San Lorenzo, Makati noong Martes, Oktubre 11.

Ayon kay Ople walang lisensya ang kompanya mula sa Philippine Overseas Employment Administration (POEA).

Naniningil din umano ito ng P80,000 hanggang P200,000 kada aplikante.

Sinabi ni Ople na zero tolerance ang ipinatutupad ng gobyerno laban sa mga illegal recruiter.