ARESTADO sa mga pulis ang dalawang lalaki na may kasong estafa noong Huwebes sa Road 7, Fabie Estate, Barangay 784, Paco, Manila.

Unang naaresto si alyas “Ramon,” 29-anyos, ayon kay Police Lieutenant Colonel Rommel Anicete.

Bandang alas-4:03 ng hapon nang mahuli ang suspek sa pamumuno ni PLt. Apolonio Ellao nang ihain ang bench warrant of arrest sa suspek na inilabas ni Judge Rainald Cajurao Paggao ng RTC National Capital Judicial Region, Branch 142, Makati City.

Arestado din si alyas “Ivan,” 27-anyos, sa Road 7, Fabie Estate, Barangay 784, Manila, para sa 24 counts ng estafa.

Bandang alas-5:05 ng hapon natunton at naaresto ang suspek.

Ayon sa impormasyon, ang mga akusado ay kabilang sa most wanted persons dahil sa parehong kaso ng estafa.