SUGATAN ang isang lalaki matapos barilin ng kanyang bayaw gamit ang paltik na cal. .22 rifle dahil sa matagal ng alitan sa Brgy. San Agustin, Alaminos, Laguna noong Sabado.

Kinilala ng Alaminos police ang sugatang biktima na si alyas Alex na kasalukuyang ginagamot dahil sa tama ng bala sa kaliwang sikmura.

Ang itinurong suspek, si alyas Inton, tumakas matapos ang pamamaril.

Base sa imbestigasyon dakong alas-3:00 ng hapon ng hindi inaaasahan magkita ang dalawa at nagkaroon ng mainitang pagtatalo na humantong sa pamamaril ng suspek ng malapitan.

Narekober ng mga pulis ang ginamit na baril na naiwan ng suspek sa pagtakas.