SA unang gabi ng “Bagets: The Musical” sa Newport Performing Arts Theater ng Newport World Resorts, hindi napigilan ni Aga Muhlach ang maging emotional seeing his son, Andres Muhlach playing his character as Adie in his 1984 hit movie sa Viva Films, “Bagets” na pinamahalaan ng yumaong si Maryo J. de Los Reyes mula sa konsepto ng yumaong writer, line producer and talent manager na si Douglas Quijano.

“Bagets” movie launched the respective careers of Aga Muhlach, Raymond Lauchengco, J.C. Bonnin, Herbert Bautista and William Martinez (who was already popular and the only Regal young actor nang gawin niya ang pelikula).

Sa pelikulang “Bagets,” bukod kina Aga, J.C. Raymond, Herbert and Wiliam ay nakasama rin sina Jobelle Salvador, Eula Valdez at Yalo Aguila kasama sina Chanda Romero, Irma Alegre, Lita Gutierrez, Celia Rodriguez, Luz Valdez, Liza Lorena at iba pa.

During the curtain call ay tinawag on stage sina Aga, Yayo at Chanda who were among the cast ng movie version. Mahigpit na niyakap ni Aga si Andres at hindi nito napigilan ang mapaluha (tears of joy) sa pagiging proud sa kanyang anak.

Actually, the musical play also brought good memories kay Aga not only because he had fun doing the film kundi dito siya naka-take-off nang husto bilang young actor.

Hindi man ganun kahusay si Andres sa pagkanta kumpara sa kanyang mga kasamahan sa musical play, na-keri niya ito with flying colors at nakadagdag rito ang sarili niyang charm tulad ng amang si Aga.

Andres alternates with Miko Hendrix Chua sa papel ni Adie, the baby-faced charmer na na-in love sa isang babaeng kasing edad ng kanyang ina. Ito rin ang role na ginampanan ni Aga sa pelikula.

Kasama nina Andres at Miko sina Jeff Moses and Sam Shoaf (alternating asTopee), ang athletic heartthrob and martial arts idol na ginampanan sa movie ni J.C. Bonnin.

Sina Milo Cruz at Migo Valid naman ang magkasalitang gumaganap sa papel ni Tonton played in the movie by William Martinez. Sina Noel Comia, Jr. at Tomas Rodriguez ang alternately gumaganap sa role ni Gilbert na siya namang ginampanan ni Herbert Bautista sa film. Sina KD Estrada at Ethan Davis as Arnel played by Raymond Lauchengco sa pelikula. Kasama ang ensemble male and female cast.

Si Neomi Gonzales as Ana, mother ni Topee, Kakai Bautista and Nathasia Cabrera alternating sa papel ni Delia, nanay ni Tonton, si Mayen Cadd as Ditas, mother ni Arnel, Ring Antonio as Luz, mother ni Gibert habang si Carla Guevarra-Lafortesa as Virgie, mother ni Adie na ginampanan naman ni Andres sa musical play.

Ang creative team ay binububo nina Maribel Legarda (director), J-mee Katindig (writer), Vince Lim (musical director), J.M. Cabling (choreography), Norbs Pntales (asst. director), Michael Que (assst. Choreographer), Jonjon Villarrel (lighting director), Loren Rivera (technical director), Ohm David (production designer), Hershee Tantiado (costume designer),Happy Constantino (sound designer), Bene Manaois (video designer).

Nanood din ang Viva big boss na si Boss Vic del Rosario kasama ang kanyang lady love, ang dating beauty queen na si Joanne Quintas. Namataan din namin doon sina Chanda Romero, Ramon Christopher, Yalo Aguila (with her daughters) at iba pa.

Ang “Bagets: the Musical” na nagsimula last January 23, 2026 na tatakbo until March this year ay production ng Newport World Resorts with The Philippine STAR AND Viva Communications and staged by PETA Plus. Ito’y presented in cooperation with Sun Life Philippines.

SUBSCRIBE, like, SHARE and press the bell icon of “TicTALK with Aster Amoyo” and “INSIDE SHOWBIZ with Aster Amoyo” on my YouTube channel. Follow me on Instagram and Facebook@aster_amoyo and X@aster_amoyo.