DEDO ang 37-anyos na lalakI matapos pagsasaksakin ng kaaway niya na nakatakas sa Brgy. Cupang, Antipolo City, Rizal kamakailan.

Nakilala ang biktima na si Warren Carin Gamboa at si alyas Limpot naman ang suspek.

Naganap ang pananaksak bandang alas-6:30 ng gabi, ayon sa report.

Base sa imbestigasyon, naglalakad ang biktima sa Purok 5, Lower, Zone 8, ng lapitan siya ng suspek sa hindi-malamang dahilan.

Nagkaroon umano ng maaanghang na salitaan ang dalawa at mabilis na dinakma ng suspek sa leeg ang biktima at sinaksak sa kaliwang balikat at kaliwang dibdib gamit ang kitchen knife.

Nakatakbo ang duguang biktima pero pagkaraan ng ilang metro bumagsak na sa semento.