Oriental Mindoro– Personal na nakadaupang-palad ni Gobernador Humerlito “Bonz” A. Dolor ang ilang miyembro ng Association of Calapeños USA International noong Lunes, ika-13 ng Abril, kung saan ipinahayag niya ang kanyang buong-pusong suporta sa kanilang adhikaing makatulong sa mga nangangailangan.

Itinatag noong 2007, ang nasabing samahan ay aktibo at tahimik na nagbibigay ng tulong sa mga kababayang Calapeño.

Sa loob ng 18 taon, marami na silang natulungan, kabilang na ang mga mag-aaral na kanilang pinagtapos sa pag-aaral, at iba pang tulong na naipagkaloob ng kanilang organisasyon.

Hinangaan at sinaluduhan ni Gob. Dolor ang patuloy na pagtupad ng grupo sa kanilang layuning umagapay at magsilbi sa komunidad.