PATAY ang isang trabahador matapos kadyutin ng sunod sunod na saksak ng kanyang kasama dahil sa mainitang pagtatalo sa Brgy. Tunhac 1, Famy, Laguna, Lunes ng umaga.

Sa ulat ng Famy Police, kinilala ang nasawing biktima na si alyas Jurex, nasa hustong edad.

Namatay sa Pakil Hospital ang biktima dahil sa tinamong mga tama ng saksak sa katawan ,ayon kay Dr. Marjorie D Official-Gonzales.

Samantala , sugatan naman ang suspek na kinilalang si alyas Juanito Jr.

Ayon sa pulisya, si Juanito Jr. ang unang hinataw ng biktima ng metal pipe ng magtalo ang dalawa hinggil sa kanilang trabaho habang ito ay nagluluto mga dakong 11:30 ng tanghali.

Inresto ang suspek habang ginagamot sa hospital at sasampahan ng kaukulang kaso.