DEAD-on-the-spot ang isang babae matapos barilin sa Lope De Vega corner Rizal Avenue, Sta. Cruz, Manila noong Huwebes.

Nakilala ang biktima na si alyas Lorena, 29, ayon kay Police Major Dave Garcia, hepe ng Homicide Section ng Manila Police District.

Nangyari ang pamamaril bandang ala-1:40 ng madaling araw.

Sa imbestigasyon ni PCMS Boy Nino Baldjay, binaril ang biktima ng dalawang beses ng hindi pa nakikilalang gunman mula sa likuran.

Pagkaraan ng pamamaril, tumakas ang salarin palayo sa pinangyarihan ng krimen sakay ng motorsiklo.