KASALUKUYANG inoobserbahan ang limang katao na sugatan matapos madamay sa nangyaring karambola kung saan isang jeep, taxi, tricycle, motorsiklo at SUV ang nagbangaan sa kahabaan ng, Rizal Avenue, Bllumentritt sa Sta Cruz, Maynila, Miyerkules ng gabi.

Ayon sa talaan ng Manila City MDRRMO Medical Response Team, kabilang sa mga nasugatan ang tatlong babae na nagtamo ng pananakit sa dibdib, sugat at posibleng bali sa mga braso, at dalawang lalaki na may sugat at posibleng bali sa mga binti.

Ayon sa awtoridad, kaagad naman inasikaso at nabigyan ng paunang lunas ang mga biktima bago dinala ang mga ito sa ospital sa tulong ng BFP-EMS Manila at mga volunteer brigades..