SINAMPAHAN ng reklamong murder ang suspendidong si Bureau of Corrections (BuCor) director general Gerald Bantag kaugnay ng pagpatay sa brodkaster na si Percival “Percy Lapid” Mabasa.

Kasama rin sa reklamong isinampa ng Philippine National Police at National Bureau of Investigation si BuCor Deputy Security Officer (DSO) Ricardo Zulueta at ilang preso na may kaugnayan umano sa pagpatay kay Mabasa at sa sinasabing middleman na si Crisanto Villamor.

Inihain ang reklamo sa prosecutor’s office ng Department of Justice noong Lunes.

Ang reklamo ay batay umano sa pahayag ng mga testigo karamihan ay nakakulong sa New Bilibid Prison.