KAMPO HENERAL MALVAR, Lungsod ng Batangas— Nadakma noong Huwebes ng mga tauhan ng Talisay police ang isang tour guide dahil sa paglabag sa RA 10591 at RA 9165 sa Brgy. Leynes, Talisay, Batangas.

Ang suspek, ayon kay Batangas police director PCol. Marlon Rufo, si alyas RenRen, 39.

Nahuli ang suspek bandang alas-7:35 ng umaga sa bisa ng search warrant na inisyu ng Presiding Judge ng 5th MTC ng Talisay-Laurel, Batangas.

Nakumpiska sa suspek ang sling bag, cal .38 revolver na may tatlong bala, lighter, at 5 gramo ng shabu na may halagang P34,000.

Naipaalam tungkol sa kanyang mga karapatang konstitusyonal ang suspek at kasalukuyang nasa kustodiya ng Talisay police.