Nakatakdang sumailalim si Kris Aquino sa isang medical procedure.

Ito ang latest update ng dating TV host-actress sa kanyang Instagram followers nitong Martes, January 13.

Nag-upload si Tetay na larawan niya na nakasuot ng hospital gown. Kasama niya sa photo ang dalawang anak na sina Joshua at Bimby.

Sa caption ni Krisy, dapat daw ay last Monday pa siya ooperahan pero na-delay dahil ang taas ng blood pressure niya last Sunday dahil sa kanyang migraine.

“This surgery was delayed from yesterday to very soon because my BP was sky high the whole of Sunday- the culprit, my migraine,” aniya.

“Thank you to my pain management doctor Henry Lu and his entire team for finding the right formula although Sunday night and yesterday i was given a pharmacy,” patuloy niya.

Ipinasok na raw siya sa pre-operating room at nanginginig nga raw si Joshua. Pero pinakalma raw ni Bimby ang kuya niya.

“Entering the pre-OP area. Kuya was shaking and automatically grabbed Bimb’s hand. I did something right in making sure Bimb grew up knowing he’ll be responsible for his Kuya. And kuya feels secure with Bimb,” ani kris.

“Going in,” pagtatapos niya.

Sa comment section ay muling bumuhos ang prayers ng netizens and celebrities para sa kalusugan ni Kris.

Sey ni Angeline Quinto, “Praying for you always Ate Kris.”

Anang isang supporter, “Hope you get better soon, Ate Kris. Praying everything will turn out fine. Always praying for you, Kuya, and Bimb.”

Bago ito, ang huling update ni Kris ay noong Dec. 31, 2025, kung saan ay ibinahagi niyang naka-semi isolation siya sa ospital because of her low resistance.

“My body is at its weakest but my spirit is still #fighting,” sey ni Kris.