𝗧𝗔𝗚𝗨𝗠 𝗖𝗜𝗧𝗬 – 𝗦𝗔 𝗚𝗶𝗻𝗮𝗻𝗮𝗽 𝗻𝗮 𝗺𝗮𝗸𝗮𝘀𝗮𝘆𝘀𝗮𝘆𝗮𝗻𝗴 𝗕𝗮𝗴𝗼𝗻𝗴 𝗣𝗶𝗹𝗶𝗽𝗶𝗻𝗮𝘀 𝗦𝗲𝗿𝗯𝗶𝘀𝘆𝗼 𝗙𝗮𝗶𝗿 (𝗕𝗣𝗦𝗙) 𝘀𝗮 𝗧𝗮𝗴𝘂𝗺 𝗖𝗶𝘁𝘆, 𝗗𝗮𝘃𝗮𝗼 𝗱𝗲𝗹 𝗡𝗼𝗿𝘁𝗲 𝗻𝗮 𝗱𝗶𝗻𝗮𝗹𝘂𝗵𝗮𝗻 𝗻𝗴 𝟭𝟲𝟳 𝗺𝗶𝘆𝗲𝗺𝗯𝗿𝗼 𝗻𝗴 𝗞𝗮𝗺𝗮𝗿𝗮 𝗱𝗲 𝗥𝗲𝗽𝗿𝗲𝘀𝗲𝗻𝘁𝗮𝗻𝘁𝗲𝘀 𝘀𝗮 𝗽𝗮𝗻𝗴𝘂𝗻𝗴𝘂𝗻𝗮 𝗻𝗶 𝗛𝗼𝘂𝘀𝗲 𝗦𝗽𝗲𝗮𝗸𝗲𝗿 𝗙𝗲𝗿𝗱𝗶𝗻𝗮𝗻𝗱 𝗠𝗮𝗿𝘁𝗶𝗻 𝗚𝗼𝗺𝗲𝘇 𝗥𝗼𝗺𝘂𝗮𝗹𝗱𝗲𝘇 𝗯𝗶𝗻𝗶𝗴𝘆𝗮𝗻𝗴 𝗱𝗶𝗶𝗻 𝗻𝗴 𝗺𝗴𝗮 𝗸𝗼𝗻𝗴𝗿𝗲𝘀𝗶𝘀𝘁𝗮 𝗻𝗮 “𝗯𝘂𝗵𝗮𝘆 𝗻𝗮 𝗯𝘂𝗵𝗮𝘆 𝗮𝗻𝗴 𝗨𝗡𝗜𝗧𝗘𝗔𝗠 𝘀𝗮 𝗻𝗮𝘀𝗮𝗯𝗶𝗻𝗴 𝗲𝘃𝗲𝗻𝘁.

Ayon sa mga kongresista kabilang na si House Deputy Speaker at Cebu 5th Dist. Cong. Vincent Franco “Duke” D. Frasco, buhay na buhay ang UNITEAM sa inilunsad na BPSF sa naturang lalawigan na tinatawag na “unprecedented” bunsod ng ipinakitang pagkakaisa o “show of unity” ng mga kapwa nito kongresista kung saan kasama sa mga dumalo si dating Pangulo at kasalukuyang Pampanga 2nd Dist. Cong. Gloria Macapagal-Arroyo.

Sinabi naman ni Davao Oriental Cong. Cheeno Miguel Almario na ang ipinakita nilang “show of force” sa Tagum City ay isang napakalinaw na testamento o pagpapatunay na buhay na buhay ang UNITEAM sa Tagum City, Davao del Norte para suportahan ang mga programang isinusulong ni President Ferdinand “Bongbong” R. Marcos,Jr. para matulungan ang libo-libong mamamayan na kasalukuyang dumaranas ng matinding kapighatian dulot ng karukhaan.

Binigyang diin pa ni Almario na ang ipinakita nilang show of force ay nagpapatunay din ng kanilang commitment para direktang maibigay o maihatid sa mamamayang Pilipino ang kinakailangang serbisyo para sa kanila upang walang Pilipino ang makaligtaan o napagkaitan ng tulong.

“Buhay na buhay ang UNITEAM sa Tagum City, Davao del Norte. What we have seen is an unprecendented ahow of unity among lawmakers for a program that highlights our commitment to bringing essential government services directly to the people. Ensuring that no Filipino is left behind,” wika ni Almario.

Kasabay nito, nasa kabuuang P913 million halaga ng government services at financial assistance ang ipinamahagi ng pamahalaan para sa nasa 250,000 residente ng Davao del Norte. Kung saan, ito ang pinakamalaki at pinakamaraming bilang ng mga benepisyaryo mula ng simulan ang BPSF noong nakaraang taon.

Umaasana naman si Frasco na marami pa sanang ilulunsad ng BPSF ang pamahalaan para matulungan ang maraming mamamayang Pilipino na kasalukuyang dumaranas ng krisis dahil napalalaki aniya ang naitutulong ng BPSF para sa mga mahihirap na mamamayan.

Ang BPSF ang pangunahing programa at pinangunahan mismo ni Pangulong Marcos,Jr. na naging “instrumental” para maipaabot at maipagkaloob ang financial aid, livelihood assistance at iba pang serbisyo ng gobyerno sa mamamayang Pilipino mula sa iba’t-ibang lalawigan at rehiyon sa bansa.

“The fair in Davao del Norte is a testament to the Marcos adminitration’s dedication to serving its citizens and the efforts of the House of Representatives under Speakee Romualdez in fostering national development through direct engagement amd support,” sabi pa ni Almario.