CALAPAN CITY–Nagpulong ang Sustainable Environment Management Coordination sa pangunguna ng City Environment and Natural Resources Office (CENRO) sa ilalim ni Willy Landicho.

Dinaluhan ang pagpupulong ng mga Administrative Officers (AO) mula sa iba’t ibang departamento ng pamahalaang lungsod, kasama ang Calapan City Police Station (PNP) at Bureau of Fire Protection (BFP).

Tinalakay ang pagpapatupad ng tamang waste segregation—ang pagbubukod-bukod ng nabubulok at di-nabubulok na basura sa bawat opisina at sa buong City Hall Compound.

Ang programa ay inisyatiba ni Mayor Doy Leachon na naglalayong gawing modelo ng kalinisan ang city hall.