PROUD na proud ang former basketball player na si Doug Kramer at model-actress na si Chesca Garcia-Kramer sa panganay nilang anak na babae na si Kendra matapos nitong sumali sa isang swimming competition.

Ibinahagi ni Doug at Chesca sa kanilang Instagram page nitong Sabado, Oktubre 14 ang ilang larawan ni Kendra habang nasa kompetisyon.

Kuwento ni Doug sa caption na kahit na may sakit o injury ang anak ay pinilit nitong lumaban sa swimming competition. At nagbunga naman ang pagsali ni Kendra dahil may napanalunan siya.

“1 gold, 4 silver, 1 bronze for Kendra! Hard work works baby!” saad ng basketbolista.

“We know how much you’ve pushed your body even if you’re sick, injured or not feeling 100%. Today was your redemption competition,” aniya.

Mommy and Daddy are so so proud of you! Keep shining for the Lord with the talents and gifts He has blessed you with,” dagdag pa niya.