ITINALAGA ni Pangulong Ferdinand “Bongbong” Marcos Jr. si retired PBGen Roman “Popong” Felix bilang kalihim ng Office of the Presidential Adviser on Military Affairs (OPAMA).

Ayon kay Press Secretary Trixie Cruz-Angeles si Felix ay humawak ng iba’t ibang posisyon sa PNP kabilang ang pagiging Provincial Director ng Ilocos Norte Police Provincial Office at Region Director ng Region 1.

Si Felix ay miyembro ng Philippine Military Academy (PMA) “Matikas” Class of 1983. Siya ay isa ring lisensyadong piloto ng helicopter.

Samantala, itinalaga rin ni Marcos si retired Major General Ariel Caculitan bilang OPAMA Undersecretary for Military Affairs.

Si Caculitan ay nagsilbi sa Philippine Marine Corps at Philippine Navy. Siya ay miyembro ng PMA “Makatao” Class of 1989 at isang top notcher ng AFP Command and General Staff Course Class 45.