PINAGBABARIL hanggang sa mamatay ang 40-anyos na delivery rider ng tatlong lalaki na hindi nakilala sa Baseco Compound, Port Area, Maynila noong Huwebes.

Kinilala ni Police Lieutenant Colonel Emmanuel Mike Gomez ang biktima na si Ronnie Apalis Ladios, 40.

Bandang alas-3:50 ng madaling araw nang mangyari ang pamamaril sa Block 5, Extension, Baseco Compound, Port Area, Manila.

Ayon sa mga nakasaksi, habang naglalakad ang biktima may lumapit na tatlong lalaki at walang kaabog-abog na pinutukan ng ilang beses ang biktima at tumakas mula sa pinangyarihan.