DADALO si Foreign Affairs Secretary Enrique Manalo sa 10th Raisina Dialogue sa India mula Marso 17 hanggang 19.

Ayon sa pahayag ng DFA, ginagawa ang diyalogo kada taon ng Observer Research Forum at Ministry of External Affairs of India.

“It is the country’s flagship international conference on the most pressing geopolitical and geo economic issues.

It brings together prominent high-level officials, policymakers and strategic thought leaders,” ayon sa DFA.

Magkakaroon din ng bilateral meetings si Manalo sa ibang foreign ministers sa sidelines ng conference.

Makikipag-diyalogo rin si Manalo sa mga miyembro ng business community sa India.

Bukod dito, bibisitahin ni Manalo ang Philippine Embassy sa New Delhi para alamin ang e-Visa operations doon.