TODAS ang electrician nang mahawakan ang live wire sa ginagawang building sa Quezon City noong Miyerkules.

Sa report sa Criminal Investigation and Detection Unit ng Quezon City Police District (CIDU-QCPD), bandang alas-9:10 ng gabi noong Miyerkules nang maganap ang aksidente sa ika-19 na palapag ng gusali sa Eton Centris sa Brgy. Pinyahan, QC.

Batay sa imbestigasyon, nakita umano ng kasamahan ng 34-anyos na biktima na napahawak ito sa electrical wire at nangisay.

Humingi ng saklolo sa kanilang mga kasamahan ang saksi at isinugod ang biktima sa East Avenue Medical Center subalit idineklara na itong dead on arrival ni Dr. Lourien Banaga.