NAITALA na sa bansa ang ikaapat na kaso ng monkeypox virus.

Ayon sa Department of Health (DOH) ang nahawa ay 25-taong gulang na walang travel history sa mga bansa na mayroong kumpirmadong kaso ng monkeypox.

Nagpositibo umano ang pasyente sa isinagawang RT-PCR test sa DOH-RITM noong Agosto 19.

Hindi naman isinapubliko ng DOH kung saan nakatira ang ikaapat na pasyente na ngayon ay naka-isolation na.

Labing–apat umano ang natukoy na close contact nito, pito sa mga ito ay nasa quarantine facility na.

Sinabi ng DOH na walang kaugnayan ang apat na nahawa ng monkeypox sa isa’t isa.