SUGATAN ang ina ng isang taekwondo athlete nang lusubin at atakihin ng mag-asawa at kasambahay na taekwondo athlete din sa Ninoy Aquino Stadium sa Adriatico St., Malate, Maynila.

Napag-alaman na magkalaban sa tournament ang anak ng biktima na si alyas Jenny at anak ng lumusob na mag-asawang sina Jonathan at Janelle na ginanap sa stadium.

Nanalo ang anak ng biktima kaya napabulong habang nanalangin pero iba ang pagkakaunawa ng mag-asawa at ng kanilang kasambahay.

Doon na nagalit ang mag-asawa at nagmura sa biktima subalit hinayaan lang ng biktima.

Habang pauwi ang biktima hinarang siya ng mag-asawa, kinompronta at sinaktan saka tumakas.

Hawak ng Manila Police District General Assignment Investigation Section ang kaso.