ININSPEKSYON ng pamahalaang lungsod ng Imus, sa utos ni Mayor Alex Advincula, ang mga tindang Christmas decorations noong Disyembre 13 sa Imus public market upang matiyak ang kaligtasan ng mga mamimili.

Nanguna sa inspeksyon si Peter Simon Lara ng Economic Enterprise Management Unit at si Office of the Local Economic Development and Investment promotions officer Jhett Vilbar-Lungcay.

Tiniyak ng dalawa na mayroong Philippine Standard (PS) mark o Import Commodity Clearance (ICC) sticker ang mga tinitindang Christmas lights.

Samantala, kinumpiska ang mga dekorasyong walang PS o ICC mark o hindi pumasa sa pamantayan bilang bahagi ng kampanya para sa fire-free at ligtas na pagdiriwang ng Pasko sa Imus.