TIKLO ang pinaniniwalaang lider ng grupong kriminal na sangkot sa mga panghoholdap sa Navotas City sa pinagkukutaang lugar sa Malabon City noong Biyernes.

Nasakote ng mga tauhan ni Northern Police District (NPD) Acting Director P/BGen. Christopher Dela Cruz ang 37-anyos na suspek sa Block 17, Brgy. Longos, Malabon City.

Ayon kay BGen. Dela Cruz, nahaharap sa mga kasong robbery with intimidation ang suspek kaya pinakilos niya ang mga operatiba ng District Special Operations Unit (DSOU) para arestuhin ang suspek.