PATAY ang 39-anyos na lalaki nang salpukin ng rumaragasang sasakyan matapos mahagip ang isa pang sasakyan sa Cavinti-Caliraya Road, Brgy. Lewin, Lumban, Laguna noong Sabado.

Base sa imbestigasyon, unang nasapol ang nakaparadang Toyota Innova bago masalpok ang biktimang si Ryan Jhon Datahan dakong ala-1:30 ng madaling araw.

Hindi umano napuna ng driver ng Toyota Alphard (DAN 6753) ang barricade wall kaya’t iniwasan ito subalit bumangga sa Innova (NEE 5710) at sa poste kung saan nasapul ang biktima.

Naisugod pa ng tauhan ng Municipal Disaster Risk Reduction and Management Office (MDRRMC) ang mga biktima sa Laguna Provincial Hospital subalit idineklarang dead-on-arrival ni Dra. Michelle Manzano si Datahan.

Nakaligtas ang driver na si Frankie Yukor Dichon, 29.