Wala nang pasok sa lahat ng antas sa pampubliko at pribadong paaralan sa Maynila ngayong Huwebes, Agosto 13, dahil sa inaasahang pagpapatuloy ng thunderstorms na dulot ng habagat.

Ipinag-utos ni Manila Mayor Isko Moreno Domagoso ang suspensyon bilang pag-iingat sa mga mag-aaral at school personnel sa gitna ng masamang lagay ng panahon.

Ayon sa Manila City Disaster Risk Reduction and Management Department (MCDRRMD), posible pang magkaroon ng thunderstorms ngayong hapon. Dahil dito, pinayuhan ang mga paaralan na ipagpatuloy ang pag-aaral gamit ang alternative delivery mode (ADM) sa halip na face-to-face classes.