SISIRIT muli ang presyo ng mga produktong petrolyo simula ala-6:01 ng Martes ng umaga.

Sa abiso ng PTT Philippines, Unioil, at Petro Gazz tataas ng P1.40 kada litro ang diesel at P1 ang gasolina habang alas-4:01 naman ng hapon ng Martes ang simula ng pagtaas sa Clean Fuel.

Ang kerosene magtataas ng 70 sentimo bawat litro.

Ganito rin ang itataas ng diesel at gas ng Petron Corporation, Pilipinas Shell, Chevron Philippines, Seaoil Philippines at Flying V.

Ayon kay PTT Philippines Media Relation Officer Jay Julian, ibinabatay ng mga kompanya ng langis ang lingguhang pagtataas ng halaga ng mga produktong petrolyo sa galaw ng presyuhan ng langis sa pandaigdigang pamilihan, partikular na sa Mean of Platts Singapore (MOPS).