NAGBIGAY ang pamahalaang panlalawigan ng Laguna sa General Cailles Memorial District Hospital sa Pakil, Laguna ng incubator na isa sa pangakong tinupad ni Gov. Sol Aragones noong Hunyo 1.

Gagamitin ng ospital ang incubator upang mapalakas ang pangangalaga sa mga bagong silang na sanggol.

Ipinagkaloob ang kagamitan sa pakikipagtulungan sa Laguna health team sa pangunguna ni Dr. Eric Tayag.

Nagbigay ng mahahalagang impormasyon si Dr. Tayag hinggil sa pangangailangan ng ospital para sa incubator upang mas mahusay na magamot ang mga bagong silang na sanggol.

Magbibigay din ito ng suporta sa mga premature babies at mga sanggol na nakararanas ng mga komplikasyong medikal matapos isilang.