BATANGAS CITY–Arestado noong Biyernes ang lalaki ng mga miyembro ng Batangas City police sa Brgy. Bolbok ng syudad na ito dahil sa pagbebenta ng baril.

Kinilala ni Batangas police director P/Col. Meliton Salvadora Jr., ang suspek na si alyas Bogart, 34, na nahuli matapos makipagtransaksiyon at magbenta ng baril sa halagang P4,000.

Narekober mula sa suspek ang isang kalibre .22 na rebolber, markadong pera, tunay na P1,000 na pera at boodle money.

Inihahanda na ang mga dokumento para sa pagsasampa ng kaso laban sa suspek sa Batangas City Prosecutor’s Office para sa paglabag sa RA 10591 (Comprehensive Firearms and Ammunition Regulation Act).