ARESTADO ang isang vendor ng matuklasang nagbebenta ng sumpak sa kanyang mga parokyano noong Miyerkules sa Malabon City.

Itinawag kay Malabon City police Officer-in-Charge P/Col. Kenneth Mission ang pagbebenta ng sumpak ng suspek sa Brgy. Longos kaya’t nagresponde sa lugar ang mga pulis.

Napuna ng suspek ang pagdating ng mga pulis at sa pagmamadaling tumakas, lumantad ang bahagi ng sumpak na nakalagay sa eco bag kaya pinigilan ng mga pulis ang suspek hanggang makuha ang dalawang improvised shotgun.

Mahaharap ang suspek sa kasong paglabag sa RA 10591 (Comprehensive Firearms and Ammunition Regulation Act).